Axenda Gastronómica CAAC/Agenda Gastronómica CAAC

Xixón
del 27 de Mayu al 6 de Xunu
Festival Xermanu de la Cerveza Xixón 2010
Primera vegada que se entama n'Asturies un festival d'estes caralterístiques. Na Plaza de Toros de Xixón y durante una selmana podremos afayanos con la recreación d'una Feria alemana de cerveza. nes instalaciones,q ue cunten con 2000 m2 podremos tastiar cerveces alemanes xunto con salchiches, codillos, quesos y empanaes típiques del país xermanu.La música y la animación tamién tienen su muestre a traviés de una banda de música tradicional bávara y un dj que animará entre medies. Bona maniera de conocer Xixón y un pocu de los tópicos de fiesta xermanos. CAAC ya tuvo ellí

Info: Festival, Xixón

Uviéu(Oviedo)

del 4 al 14 de Xunu
V Campeonato de Pinchos y Mini Cocina en Oviedo 2010
Una vegada más y van cinco, la concexalía del Ayuntamientu de Uviéu y Hostelería de Asturias entamen esti campeonatu enmarcáu nel Plan de Competitividá de Turismo Gastronómicu d'Asturies y que ya ye referente pa los aficionaos a la cocina de chigre na nuesa rexión. Con motivu de la candidatura a capitalidá Europea de la ciodá, esti añu fomientase la creación de lo nomáo como pinchos europeos, ellaboraciones creatives con productos típicos de la cocina d'Europa. Durante diez díes podremos tastiar diversos platos en dos categoríes: Pinchu, categoría que cunta con 70 chigres alscritos y mini cocina, onde 26 restaurantes competirán per el premiu que dará el xuráu al final del campeonatu, a cellebrase na Plaza Tracorrales de la capital. Ensin duda una razón más pa visitar la vieya Vetusta, desfrutar de les sos cais y places y tastiar un pocu de sabor con un bon tragu. CAAC tará ellí, xurando, si fae falta.

Info: Pinchos y Minicocina Oviedo

Grullos (Candamo)

5 y 6 de Xunu

XXXII Festival de la Fresa

Candamo en xeneral y el pueblu de Grullos en particular destaquen por ser el centru productor de fresa y fresón d'Asturies, certificaes con calidad de Denominación de Oríxen. Comu nun podía ser de diversa maniera la so xente dedicay un Festival al frutu que yos da de comer. Trentidos son ya les ediciones d'un festival onde se fae un homenaxe merecíu al frutu mediante la expoisición de les coseches por parte de los cultivaores que compiten por alzase con la fresa d'oru que distingue al meyor collechaor del añu. Lo gastronómico, como ye lóxicu ta enfotao nes freses, pudiendo tastiales al natural, con azúcre, nata e inclusu vinu. Por otru lláu podemos tastiar les confitures, batídos ya incluso llicores ellaboraos con el frutu del fresal. Una bona desculpa pa conocer esti pequeñu pero guapísimu conceyu del centro d'Asturies asína como un cultivu que pocos asociaríen a climes y tierres como les del norte. CAAC tará ellí, perque la fruta ye muy sano.

Info: Candamo, Freses de Candamo

Torazu (Cabranes)

6 de Xunu

Festival de la Boroña

La boroña o borona, según la fala de la zona onde se fae, ye un pan vieyu, una maniera de facer pan con fariña de maíz, d'Asturies onde el clima yera muy duru pa'l trigu a exceición del trigu sarracenu o escanda. El maíz per tantu erixiase comu'l cereal base de la nuesa cocina y la borona una ellaboración barata y nutritiva que quitaba bones fames. Elleváu güey en día a pan exquisitu, el pueblu de Torazu, pueblu exemplar d'Asturies nel 2008, dedicá-y un festival onde a parte de visitar la xeografía de Cabranes y el mar na vecina Villaviciosa, y desfrutar d'un mercáu tradicional y de teatru costumbriste n'Asturianu, podremos tastiar un menú a base de Boroña preñada-chorizu, xamón y tocín, parrillada de carne y un postre típicu de Cabranes, l'arroz con llechi, motivu de otru reciente homenaxe. Merez la pena el viaxe.

Info: Torazu, Cabranes

Cartelos, imaxenes y semeyes cortesia de los sos amos con acuerdu a Creative Commons, desde CAAC agradeciendo y reconociendo el llabor de los diseñaores y dueños. Todos los derechos reservaos