Axenda Gastronómica CAAC

Esti fin de selmana, andamos un poco refalfiaos de tanta folixa y tanta comedia, pero nun per ello vamos quedar en casa perque tenemos cita cerquina con:

Xixón

27,28 y 29 d'aGOSTU
XIX Fiesta de la Sidra Natural

Una de les cites gastronómiques y culturales del añu n'Asturies,con una hestoria de diecinove años al llombu, y tou un homenaxe a la nuesa bebida: la sidra. Concursu de escanciaores, mercadín de la sidra, tastia de palos de sidra, concursu de llagareros, cancios de chigre y un homenaxe más que merecíu a Manuel el Moyáu, el últimu toneleru d'Asturies, un artesanu al que tuviemos el honor de conocer fae un tiempu y me mos illustró con la so sapiencia y el so bon humore. CAAC tará ellí y racomiendavos esti enventu.

INFO: Fiesta de la Sidra Natural

Llugones

del 26 al 31 d'Agostu
Fiestes de Santa Isabel

El pueblu de Llugones ponse de gala pa' abellugar una gran Folixa: Mercáu, xuegos pa los neños y pa los mayores, pasacais, muestra de Folklor internacional, barraques,verbenes, desfile de carroces, ruta alcohólica y el renomáu concursu de Rock configuren una de les fiestes más esperaes del agostu asturianu. Ensin dubia CAAC racomiendavos pasar per ellí.

INFO: Llugones, Muestra Folklor, ruta

Y pa los que-yos queden fuercies pa viaxar un pocu más lloñe decívos que tenéis tamién muy racomendable:

XL Certame del quesu de Cabrales

Festividá del Segaor en Benia (Onís)

Nueche Celta en Porcía (El Franco)

Día de los Pueblos en Navelgas ( Tineo)

Sardinada Popular en Ortiguera (Coaña)

Mercáu de Artesanía en Malleza (Salas)

Imagenes: Foto de Chela para CAAC. Escudo Agrupación La Sidrina, todos los derechos reservados de acuerdo a Creative Commons