Axenda Gastronómica CAAC

Xunetu o Xuliu ye un mes onde les fiestes de prua y romeríes tomen protagonismu absolutu n'el branu asturianu xunto con les xornáes gastronómiques típiques d'estes feches. D'entre les milenta folixes que podemos topar per la xeografía asturiana destacamos les siguientes:

Lluanco(Gozón)

del 2 al 11 de Xuliu

XXVI Festival del Bonito

Con la llegada del branu llega la costera del bonito y la villa marinera de Lluanco cellebra dende fae más de 25 años el tradicional festival onde en dellos restoranes y bares del pueblu podrán degustase milenta platos con el bonito como ingrediente estrella. Altividaes y homenaxe a la mar que tamién atrae a públicu asína como el ambiente de la Taberna de Hank, son otres de les coses que se pueden tastiar na guapa villa mariñana. CAAC Racomienda esti eventu.

Info: Lluanco

Nava(Nava)

del 8 al 11

XXXIII Festival de la Sidra

Una de les cites más nomaes del calendariu de branu onde una vegada más los llagares d'Asturies compiten per conseguir el primer premiu n'es categoríes de meyor sidra y meyor llagar d'Asturies del añu. Nava, conceyu sidreru y epicentru de la comarca, abeyuga el museu de la Sidra, asína como una bona cantidá de llagares que faen que la tradición perdure. Asína que nun ye d'estrañar que n'esti mes vistase de gala pa' cellebrar la nuesa bebída. Alrodiu el festival tenemos delles altividaes d'entre les cuales destacamos, a parti del premiu y concursu a la meyor sidra natural, les muestres y tasties gratuites de sidra y tortos nos soportales del ayuntamientu, los deportes tradicionales na cai y les espoisiciones rellacionaes con la cultura de la sidra n'el Museu. Una cita ineludible que de nueche torna en fiesta gayolera onde les haiga con el famosu sidrotren que l'Ayuntamientu dispón pa llevar xente de toes les partes de Asturies fasta Nava. CAAC tará ellí y racomienda esti festival

Info: Nava, Festival de la Sidra

Lluanco(Gozón)
10 y 11 de Xuliu

Mercáu de Sabores

Coincidiendo con Festival del Bonitu de Costera, cellebrase en Lluanco el Mercáu de Sabores onde los frutos de la tierra y la cocina tradicional asturiana serán los protagonistes indiscutibles. Sidra, embutíos, quesos y postres típicos. Esti añu además invitase a una delegación foriata, concretamente francesa y faerase un intercambiu de música y dances del país entre la delegación anfitriona y la francesa. Si táis per Lluanco no vos lo perdáis. CAAC tará ellí.

Info: Lluanco

As Pedreiras (El Franco)

XIV Xornaes de los Gaiteros del Occidente d'Asturies

El Franco, na' Caridá, abeyuga un añu más el alcuentru de gaiteros del Occidente, con un festival onde se interpretarán temes tradicionales, bailes y cancios xunto con la tradicional churrascada al aire llibre, cocinada nel área recreativa de "As Pedreiras". Sin duda una bona ocasión pa conocer esti conceyu interior del guapu occidente astur, aprovechando pa pasar por Tapia y asomase al Cantábricu.

Info: El Franco

Colombres( Ribadeva)

III Feria d'Indianos

del 8 al 11 de Xunetu

Indianu ye como se conocía n'asturies al emigrante que torniaba d'América depués de haber fecho fortuna. Cuando torniaben a la tierra que los vió marchar veníen con un sentimientu escontráu. Per un llau queríen pasar los sos caberos años na so tierra, con la so xente. Per otru teníen alcordances y señaldá de la otra tierra suya, de lUna les Amériques onde habíen fecho vida. Quiciaes seya esti desplazamientu sentimental lo que fizo que munchos construyeren cases y mansiones al estílu de les que habíen conocío n'América, plantando fasta plameres y otres flores tropicales, con el fin dexuru, de aliviar y conxugar los dos sentimientos. Dellos ficieron además bones obres a la comunidá, financiando escueles, arreglos de pueblos, centros sociales, y participaron a la tornia na vida política y social de la época. Esti xoven festival quier rendir homenaxe a esta figura y al so significa pa la cultura asturiana. Pa ello n'el programa faeráse un repasu por la hestoria de los indianos, desfrutando d'una ruta per la arquitectura indiana de la zona y de la visita al Archivu d'Indianos pa conocer un poco más de estos cellebres emigrantes. Como nun podía ser otra la música y gastronomía darán maniera a la conxunción de les dos tierres, América y Asturies: Cuntarase con mezcla y tastia de platos típicos de equí y ellí, como la cazuela del Indianu, sones cubanos, rancheres mexicanes, bailes tradicionales del Oriente d'Asturies y diverses altividaes que completarán el festival.Una bona ocasión pa conocer la punta del Oriente astur, la so costa y la so cultura del emigrante. CAAC racomienda esta feria

Info: Ribadeva

Piedres Blanques( Castrillón)

del 8 al 11 de Xunetu

Festival de la Cerveza

Hosteleros y ayuntamientu entamen esti festival na Plaza Europa de Piedres, onde la cerveza y la gastronomía de chiringuitu son los protagonistes absolutos d'un festival que cunta ya con cuatro años de vida. Bona ocasión pa dexase caer por Piedres, pasar de llargo y dir a ver los restos de les Mines de Arnao, la playa de Santa María o tomar un culete nos merenderos de la zona.

Info: Castrillón, Comarca d'Avilés

Fiestes de Prau y verbenes:

San Antonio en Collotu( Uviéu/Siero)

Fiestes de Pumarín(Uviéu)

Romería de Llacín Porrúa( Llanes)

Santa Ana en Premoñu(Las Regueras)

El Carmen en Tapia( Tapia de Casariegu)

Romería de la Teyerona( Llangréu)

La Joguera(Celoriu)

Entre milenta más......

Cartelos cortesia de los sos amos con acuerdu a Creative Commons, agradeciendo y reconociendo el llabor de los diseñaores y dueños. Todos los derechos reservaos