viernes, 21 de mayo de 2010

Axenda Gastronómica CAAC/Agenda Gastronómica

Uviéu (Oviedo)
21 al 25 de Mayu
Feria de l'Ascensión y fiestes de la Balesquida( o fiesta del Xastre)

Comu cada Añu por estes feches, dende güey fasta el martes 25 día renomáu comu Martes de Campu, Uviéu vistese de gala pa cellebrar la primavera recibiendo a la xente del campu per les sos cais. Eso ye lo que diz la hestoria d'estes populares y guapes fiestes de la capital, que ye un homenaxe que la ciodá fae al campu. Podemos afayamos asistiendo a la feria de ganao-cellebrada nel recintu de Llanera -asína como a les expoisiciones rellacionaes con la agricultura y la ganadería, les muestres de tonada, baille rexional y nel planu gastronómicu a los certámenes de sidra nuevo, certám del quesu y la expoisición y preba de productos llocales-a destacar el festival del quesu y los puestos de Vinos de la Tierra de Cangues.Hay que falar tamién del mercáu tradicional que ocupa parte del cascu hestóricu y comu non mentar les xornáes gastronómiques con el menú típicu de la Ascensión: Menestra de verdures de temporada, Carne Gobernada al estílu d'Uvieu y Tarta de Cereces. Una maniera destinta de ver una Vetusta que despierta de la siesta y ta allegre. CAAC Racomienda este actividá y caleyará per ehí ensín dubia
Info: La Ascensión y Programa, La Balesquida, Martes de Campu

Grao( Grado)
del 21 al 23 de Mayu
II Flor de Grao y Mercadón de Primavera

Fiesta típica de la villa de Grao en homenaxe a la primavera na que atoparemos conciertos, ruta gastronómica per los chigres y Mercadón tradicional onde tastiar productos artesanos llocales y foriatos.

Info: Villa de Grado

Xixón( Gijón)
del 20 al 23 de Mayu
Xornáes Gastronómiques del Pulpu con Pataquines

Dientro de les actividaes del programe Saboreando Gijón/Tastiando Xixón, cellebrase el homenaxe a esti platu tan típicu de la gastronomía de la costa norteña. El menú cunta con tres platos que son a saber: pulpu con pataquines, escalopines de xata roxa con salsa de quesu y tarta Xixonesa.
Info: Xixón Gastronómicu


Piedres Blanques( Castrillón)
del 20 al 23 de Mayu
Festival de Culete en Culete

Festival dedicáu a la sidra en la que se podrán tastiar dellos palos de sidra nuevo, entamáu por 6 sidreríes de la villa cuntará con un recintu ferial onde poder desfrutar de la bebida autóctona acompañada de bocaos y tapes. La fiesta completase con la actuación de la Banda de Gaites de Castrillón y el conciertu el sábadu nueche de los siguientes grupos: Son Habana, Dark la Eme Jazz Trío, Chitlins con carne, Colmena, Electro Groove y Rafa Kas Trío
Info: Castrillón


Ponga
del 21 al 23 de Mayu
VII Xornáes Gastronómiques del quesu de los Beyos
Entamaes por dellos chigres del conceyu y n'el que podrá degustase una bona cantidá de platos tradicionales y nueos con l'ingrediente común que ye el Quesu de Los Beyos, unu de los más afamaos d'Asturies. Una oportunidá bona pa conocer esta guapa parte de la montaña occidental asturiana y caleyar per San Xuan de Beleñu la capital del conceyu.
Info: Ponga

Cabrales( Cabrales)
del 21 al 23 y del 28 al 29 de Mayu
II Xornáes del Quesu Cabrales y la carne de Reciella.

El quesu más famosu de la gastronomía asturiana y la carne xoven de oveya y cabra serán los platos estrella d'estes xornaés que entama la Asociación de Turismu de Cabrales con l'apoyu del ayuntamientu, el conseyu regulador de la Denominación d'Orixen del Quesu Cabrales y les asociaciones de criadores de dos animales autóctones, la oveya xalda y la cabra bermeya. Una bona desculpa pa animase a visitar Cabrales, visitar una quesería y desfrutar de la montaña de los Picos d'Europa nel so epicentru.
Info:Cabrales

0 comentarios:

Siempre Dispuestos...

Si queréis que vuestras cervezas o elaboraciones, vuestros actos culturales, jornadas gastronómicas o cualquier expresión de cultura popular que organicéis u os interese salga aquí, sólo tenéis que poneros en contacto con nosotros escribiendo a:
Haremos gustosos y sin ánimo de lucro el correspondiente reportaje que aparecerá en una sección fija de nuestra página. Siempre Dispuestos...


Archivo del blog

Creative Commons

Creative Commons License
CAAC, su blog y su contenido están bajo una licencia de Creative Commons.

IBSN

IBSN: Internet Blog Serial Number 11-01-2008-80

  © Free Blogger templates Psi by Ourblogtemplates.com 2009

Back to TOP